کراچی (جنگ نیوز) کالم نگار یاسر پیرزادہ نے کہا ہے کہ ماٹھا کالم لکھنے والوں کی تحریروں سے مجھے بھی حوصلہ ملا کہ میں بھی کالم نگاری کر سکتا ہوں۔ اُنہوں نے کہا کہ میں مشتاق یوسفی اور شفیق الرحمن کی مزاح نگاری سے متاثر ہوں، قاسمی صاحب بہت اچھا کالم لکھتے ہیں۔ آج کل کے کالم پری پیڈ اور پوسٹ پیڈ ہو تے ہیں بلکہ کچھ کالم نگار تو مستقبل کی پیمنٹ کی توقع پر کالم لکھ دیتے ہیں۔ اِن خیالات کا اظہار اُنہوں نے ”جیونیوز“ کے پروگرام ”خبرناک“ میں گفتگو کے دوران کیا۔ اس بار شو میں علی میر معروف سیاستدان شیخ رشید کی ڈمی بن کر آئیں گے۔ پروگرام کی میزبان عائشہ جہانزیب نے شیخ صاحب سے سوال کیا کہ آپ کی پیشنگوئیاں تو پاکستانی بیٹنگ کی طرح ڈھیر ہو جاتی ہیں، اس کا جواب شیخ رشید نے کس انداز میں دیا اس کا خلاصہ ناظرین کو پروگرام دیکھنے کے بعد ہوگا۔ موسیقی سے دلچسپی رکھنے والے ساجد بھائی کے چیلنج سے بھی محظوظ ہوں گے۔ طنز و مزاح سے بھر پور شو جمعہ کی شب 11 بجکر5منٹ پر دکھایا جائے گا۔
فرمان الہی
نماز کے اوقات
