فرمان الہی
نماز کے اوقات
واٹر اینڈ پاور ڈویلپمنٹ اتھارٹی (واپڈا) نے ملک میں دریاؤں میں پانی کی صورتِ حال سے متعلق رپورٹ جاری کردی۔
واپڈا کے ترجمان کے مطابق دریائے سندھ میں تربیلا کے مقام پر پانی کی آمد 1 لاکھ 18 ہزار 900 اور اخراج 82 ہزار کیوسک جبکہ دریائے جہلم میں منگلا کے مقام پر پانی کی آمد 44 ہزار 700 اور اخراج 28 ہزار کیوسک ہے۔
واپڈا کے ترجمان نے بتایا کہ چشمہ بیراج میں پانی کی آمد 1 لاکھ 38 ہزار 900 اور اخراج ایک لاکھ 14 ہزار کیوسک، دریائے چناب میں ہیڈ مرالہ کے مقام پر پانی کی آمد 29 ہزار 400، اخراج 10 ہزار کیوسک جبکہ دریائے کابل میں نوشہرہ کے مقام پر پانی کی آمد و اخراج 40 ہزار 600 کیوسک ہے۔
واپڈا کے ترجمان کے مطابق تربیلا ڈیم میں آج پانی کی سطح 1461.16 فٹ اور پانی کا ذخیرہ 14 لاکھ 58 ہزار ایکڑ فٹ، منگلا ڈیم میں پانی کی سطح 1143.20فٹ اور پانی کا ذخیرہ 14 لاکھ 51 ہزار ایکڑ فٹ جبکہ چشمہ بیراج میں پانی کی سطح 647.50 فٹ اور پانی کا ذخیرہ 2 لاکھ 35 ہزار ایکڑ فٹ ہے۔
واپڈا کے ترجمان نے بتایا کہ تربیلا، منگلا اور چشمہ میں قابلِ استعمال پانی کا ذخیرہ 31 لاکھ 44 ہزار ایکڑ فٹ ہے۔
