فرمان الہی
نماز کے اوقات
(1)_updates.jpg)
ترک صدر رجب طیب اردوان کا کہنا ہے کہ ترکیے اور پاکستان کے درمیان بھائی چارہ سچی دوستی کی بہترین مثالوں میں سے ایک ہے۔
غیر ملکی خبر رساں ادارے کے مطابق ترک صدر رجب طیب اردوان نے کہا ہے کہ یہ برادرانہ تعلق دنیا کے چند ہی ممالک کو نصیب ہوتا ہے۔
انہوں نے کہا کہ اپنے دوست اور بھائی پاکستان کو اپنی دلی محبت کے ساتھ سلام پیش کرتا ہوں، ہم پاکستان کے امن و سکون اور استحکام کو بہت اہمیت دیتے ہیں۔
رجب طیب اردوان نے کہا کہ ہم پاکستانی ریاست کے ضبط و تحمل اور دانشمندانہ پالیسی کی تعریف کرتے ہیں۔
ترک صدر نے یہ بھی کہا کہ پاکستان تنازعات کے حل میں مکالمے اور مصالحت کو ترجیح دیتا ہے، اچھے اور برے وقت میں ہمیشہ آپ کے ساتھ کھڑے رہیں گے۔
ان کا مزید کہنا تھا کہ ترکیے ماضی کی طرح مستقبل میں بھی آپ کے ساتھ کھڑا رہے گا۔
