فرمان الہی
نماز کے اوقات
پاکستانی اداکارہ غنیٰ علی رضا نے حالیہ انٹرویو میں اپنی شوبز چھوڑنے کی خبروں پر خاموشی توڑ دی۔
مشہور ڈراموں میں اپنے منفرد کرداروں سے شہرت پانے والی غنیٰ علی کا کہنا تھا کہ وہ فی الحال اداکاری کو خیرباد کہنے کا کوئی ارادہ نہیں رکھتیں۔
انٹرویو میں غنیٰ علی نے بتایا کہ رمضان میں اعتکاف میں تھی، اسی دوران میرے بھائی نے میری طرف سے شوبز چھوڑنے کی اسٹوری لگا دی، وہ دراصل چاہتا تھا کہ میں میڈیا سے دور ہو جاؤں، اسی لیے اس نے موقع دیکھ کر اسٹوری لگائی۔
انکا یہ بھی کہنا تھا کہ میرے شوہر بھائی اور گھر والے سب یہی چاہتے ہیں، لیکن وہ مجھے روکنے کی کوشش نہیں کرتے، یہ ان کی محبت ہے۔
انہوں نے واضح کیا کہ اداکاری میرا جنون ہے، میں اچھی اور پرفارمنس بیسڈ کہانیاں کرنے کےلیے بیتاب رہتی ہوں، میں کبھی ہیروئن بننے کی خواہشمند نہیں رہی۔
یاد رہے کہ چند ماہ قبل غنیٰ علی نے انسٹاگرام اسٹوری میں شوبز کو خیرباد کہنے کا اعلان کیا تھا جس پر بعد میں وضاحت بھی دی گئی تھی۔
