ایف بی آر، ایف پی سی سی آئی اور ریئل اسٹیٹ ایجنٹس کے درمیان مذاکرات کا ساتواں دور بغیر کسی نتیجے کے ختم ہو گیا۔ زمین کی قیمتوں کے ازسر نو تعین اور رئیل اسٹیٹ شعبے پر ٹیکس کے نفاذ سے متعلق مذاکرات کے بعدایف بی آر ذرائع کا کہنا ہے کہ وزیر خزانہ اسحاق ڈار بھی آج مذاکرات میں شرکت کریں گے۔
ذرائع نے جیو نیوز کو بتایا کہ پنڈی ، لاہور اور کراچی میں زمین کی قیمتوں کے تعین پر اختلاف ہے اور ایف بی آر حکام کسی قسم کی لچک کا مظاہر نہیں کر رہے ، اس وقت ایف بی آر اور رئیل اسٹیٹ ایجنٹس کی طرف سے تعین کردہ زمین کی قیمت 300فی صد سے زیادہ کا فرق پایا جاتا ہے ۔
ذرائع نے بتایا کہ رئیل اسٹیٹ ایجنٹس کا کہنا تھا کہ زمین کی قیمت کے تعین کے ساتھ ساتھ اٹارنی کے ذریعے خرید و فروخت کرنے پر دو فیصد ٹیکس کسی صورت قبول نہیں کیا جائے گا ۔
فرمان الہی
نماز کے اوقات
