فرمان الہی
نماز کے اوقات
ٹک ٹاک ایپ پر دنیا بھر میں سب سے زیادہ فالو کیے جانے والے معروف سینیگالی ٹک ٹاکر خابی لیم کو امریکا میں حراست میں لے لیا گیا۔
غیر ملکی میڈیا رپورٹس کے مطابق سینیگالی ٹک ٹاکر کو امریکا کے ہیرے ریڈ انٹرنیشنل ایئرپورٹ پر امیگریشن قوانین کی خلاف ورزی پر 6 جون کو حراست میں لیا گیا تھا۔
میڈیا رپورٹس کے مطابق امیگریشن حکام کا کہنا ہے کہ زیرِ حراست ٹک ٹاکر خابی لیم کو چھوڑ دیا گیا ہے جس کے بعد وہ امریکا چھوڑ کر چلے گئے ہیں۔
میڈیا رپورٹس کے مطابق اٹلی کے شہری 25 سالہ سوشل میڈیا انفلوئنسر لاس ویگاس پہنچے تو امریکی امیگریشن حکام نے انہیں ویزا کی مدت زائد المعیاد ہونے کی بنیاد پر حراست میں لیا تھا۔
امیگریشن اینڈ کسٹمز انفورسمنٹ (ICE) نے بعدازاں تصدیق کی ہے کہ خابی لیم کو اسی روز رضاکارانہ طور پر واپسی کی اجازت دے کر چھوڑ دیا گیا تھا، جس کے بعد وہ امریکا چھوڑ کر روانہ ہوگئے تاہم حکام نے یہ نہیں بتایا کہ وہ کس دن واپس روانہ ہوئے۔
