فرمان الہی
نماز کے اوقات
_updates.jpg)
پنجاب کی سینئر وزیر مریم اورنگزیب کا کہنا ہے کہ بجٹ میں ایک ہزار 240 ارب کے سالانہ ترقیاتی پروگرام کا 64 فیصد ماحولیاتی خطرات سے نمٹنے کے لیے رکھا گیا ہے۔
مریم اورنگزیب نے کہا کہ اگلے مالی سال میں ہر شعبے میں ریکارڈ کام ہوگا، ماحولیاتی شعبے میں خطرات میں کمی لانے کا سنگ میل عبور کریں گے۔
انہوں نے کہا کہ بجٹ میں ماحولیاتی خطرات میں کمی لانے کے اقدامات کے لیے 371.739 ارب روپے رکھے گئے ہیں۔
ان کا کہنا ہے کہ ماحولیاتی تبدیلیوں کے مطابق جدید طریقے رائج کرنے کےلیے 277.437 ارب روپے رکھے گئے ہیں، موسمیاتی تبدیلی سے نمٹنے کےلیے تمام شعبوں میں اقدامات کےلیے حکومتی سطح پر اجتماعی سوچ اختیار کی ہے۔
مریم اورنگزیب نے کہا کہ تمام شعبوں میں بہتری لاکر مجموعی ماحولیاتی بہتری کا ہدف حاصل کریں گے۔
ان کا مزید کہنا تھا کہ موسمیاتی خطرات سے نمٹنے کی استعداد بڑھائیں گے، 65.172 ارب روپے سے اقدامات کریں گے۔
انہوں نے یہ بھی کہا کہ ٹرانسپورٹ کے شعبے کےلیے 269.479 ارب اور موسمیاتی مسائل سے عوام کو آگاہ کرنے کےلیے 95.285 ارب روپے رکھے گئے ہیں۔
