فرمان الہی
نماز کے اوقات
بلوچستان کے ضلع ژوب میں سیلابی ریلے میں دو گاڑیاں بہہ گئی، تین لڑکیاں اور ایک خاتون جاں بحق ہوگئی، ایک کو بچالیا گیا۔
بلوچستان کے ضلع ژوب کے علاقے سلیازہ میں بارش سے ندی میں طغیانی آگئی، سلیازہ ندی کے سیلابی ریلے میں دو گاڑیاں بہہ گئی، جس میں 3 لڑکیاں اور ایک خاتون جاں بحق ہوگئی، جبکہ ایک خاتون کو بچا لیا گیا۔
ضلع ہرنائی کے علاقے کھوسٹ کی ندی میں بھی سیلابی ریلے میں پھنس جانے والے 3 افراد کو لیویز نے بچا لیا۔
لیویز حکام کے مطابق ژوب میں آبی ریلے میں بہہ جانے کے باعث ایک خاتون اور گاڑی میں سوار 3 لڑکیاں جاں بحق ہوگئیں، جبکہ ایک خاتون کو بچا لیا گیا جسے طبی امداد کیلئے ژوب اسپتال منتقل کردیا گیا۔
جاں بحق ہونے والوں کا تعلق ملتان سے بتایا جا رہا ہے، تفریحی مقام سلیازہ ندی میں سیلابی ریلے کے باعث کھڑی فصلوں کو بھی نقصان پہنچا۔
