فرمان الہی
نماز کے اوقات
جنوبی افریقا کے خلاف بلاوائیو ٹیسٹ میں زمبابوے کی ٹیم سخت مشکل میں گھر گئی ہے۔
ٹیسٹ میچ کے تیسرے دن کے اختتام پر جنوبی افریقا نے زمبابوے کو 537 رنز کا ہدف دے دیا ہے۔
جنوبی افریقی ٹیم نے گزشتہ روز کی اپنی دوسری نامکمل اننگز 49 رنز ایک کھلاڑی آؤٹ سے آگے بڑھائی اور پوری ٹیم 369 رنز پویلین لوٹ گئی۔
جنوبی افریقا کی طرف سے ویان مولڈر نے 147 رنز کی شانداری باری کھیلی اور اننگز کے دوران 17 چوکے اور 2 چھکے لگائے۔
کیشو مہاراج 51 کے علاوہ کوئی اور بیٹر نصف سنچری تک بھی نہ پہنچ سکا اور پوری ٹیم 369 پر آؤٹ ہوگئی، یوں زمبابوے کو 537 رنز کا ہدف مل گیا۔
جنوبی افریقا نے پہلی اننگز 9 وکٹ کے نقصان پر 418 رنز پر ڈکلیئر کردی تھی، جس کے جواب میں زمبابوے کی ٹیم 251 رنز ڈھیر ہوئی، یو ں اسے 167 رنز کے خسارے کا سامنا کرنا پڑا تھا۔
تیسرے دن کے کھیل کے اختتام پر زمبابوے نے 1 وکٹ پر 32 رنز بنالیے ہیں، بلاوائیو ٹیسٹ جیو سوپر پر براہ راست نشر کیا جارہا ہے۔
