فرمان الہی
نماز کے اوقات
ہانیہ عامر اور دلجیت دوسانجھ کی پنجابی ہارر کامیڈی فلم ’سردار جی 3‘ نے ریلیز کے پہلے ہفتے میں دنیا بھر سے 33 کروڑ روپے کا شاندار بزنس کر کے باکس آفس پر کامیابی کے جھنڈے گاڑ دیے ہیں۔
فلم میں دلجیت دوسانجھ اور پاکستانی اداکارہ ہانیہ عامر کی جوڑی کو بین الاقوامی سطح پر بےحد سراہا جا رہا ہے، اگرچہ بھارت میں پہلگام واقعے کے بعد پاکستانی فنکاروں پر پابندی کے باعث فلم کو ریلیز نہیں گیا گیا تھا لیکن اس کے باوجود فلم نے لاہور، دبئی، اور برطانیہ سمیت دنیا بھر میں ناظرین کو خوب محظوظ کیا۔
ایک ہفتے کے دوران فلم نے 33.6 کروڑ روپے کا مجموعی کاروبار کیا ہے، جسے فلمی تجزیہ کار بہت بڑا نمبر اور کامیابی قرار دے رہے ہیں۔
امرجیت ہندل کی ہدایت کاری میں بننے والی اس فلم کا بجٹ 35 کروڑ روپے بتایا جا رہا ہے اور امکان ہے کہ یہ اپنی لاگت بھی وصول کر لے گی۔
فلم بینوں کا کہنا ہے کہ دلجیت کی مزاحیہ اداکاری اور ہانیہ عامر کی دلکش موجودگی نے فلم کو مزید رنگین بنا دیا، سوشل میڈیا پر دونوں ستاروں کی جوڑی کو بےحد پسند کیا جا رہا ہے۔
واضح رہے کہ فلم کی کہانی ایک بھوت پکڑنے والے کردار جگی اور اس کی دوست پنکی کے گرد گھومتی ہے جو برطانیہ کے ایک پُرسرار محل کی تحقیقات کرتے ہیں، فلم میں نیرو باجوا، یاسمین باجوا اور دیگر اداکاروں نے بھی اہم کردار ادا کیے ہیں۔
