فرمان الہی
نماز کے اوقات
برٹش پاکستانی بزنس مین شفیق اکبر کو برطانوی پارلیمنٹ میں اعزاز سے نواز دیا گیا۔
پارلیمنٹ میں منعقد تقریب میں لارڈ شفق محمد نے شفیق اکبر کو اچیومنٹ ایوارڈ پیش کیا، انہیں یہ اعزاز پاکستان میں سرمایہ کاری اور مقامی سطح پر سینکڑوں ملازمتیں فراہم کرنے پر دیا گیا ہے۔
شفیق اکبر اسلام آباد و دیگر علاقوں میں 1 بلین ڈالرز کی ریئل اسٹیٹ میں سرمایہ کاری کر رہے اور 4 میریٹ ہوٹل بنا رہے ہیں، ان کی پاکستان میں جاری ریئل اسٹیٹ کے منصوبوں کی بدولت 2 ہزار سے زائد افراد کو روزگار ملا ہے۔
پاکستان میں پیدا ہونے والے شفیق اکبر نے کوئنز میری یونیورسٹی سے ڈگری اور کیمبرج یونیورسٹی سے ماسٹرز مکمل کیا۔
لارڈ شفق محمد نے اپنے خطاب میں کہا کہ شفیق اکبر جیسی شخصیات ثقافتوں کے درمیان پل اور وسائل کو متحرک کرنے میں کردار ادا کرتی ہیں، شفیق اکبر پاکستانی کمیونٹی کے لیے رول ماڈل ہیں، نوجوان برٹش پاکستانی ان کی تقلید کریں۔
انہوں نے یہ بھی کہا کہ شفیق اکبر نے برطانیہ میں بزنس میں کامیابی کے بعد اپنے وطن کو بھی فائدہ پہنچانے کے لیے وہاں بھی سرمایہ کاری کر کے ملازمتیں پیدا کیں۔
اس موقع پر شفیق اکبر نے کہا کہ برطانوی پارلیمنٹ میں میری خدمات کا اعتراف ایوارڈ سے بھی بڑھ کر ہے، برطانیہ میں بطور اسٹوڈنٹ آیا تھا، لندن میں 15 برس قیام کے بعد پاکستان جا کر بزنس کرنے کا فیصلہ کیا۔
انہوں نے یہ بھی کہا کہ پاکستان جانے کا تجربہ شاندار رہا، پاکستان میں سرمایہ کاری کا جتنا منافع ملتا ہے اتنا اور کہیں نہیں ہے، اوورسیز پاکستانیوں کو بھی دعوت دیتا ہوں کہ پاکستان میں سرمایہ کاری کے لیے موزوں ماحول کا بھرپور فائدہ اٹھائیں۔
