سکھر(بیورو رپورٹ)جمعیت علماء اسلام سکھر کی جانب سے سندھ میں بڑھتی ہوئی بدامنی کے خلاف آباد لاکھا کے علاقے میں احتجاجی مظاہرہ کیا گیا، مظاہرے کی قیادت مولانا عبیداللہ بھٹو ابن آزاد ، محمد شعبان شیخ نے کی۔ مظاہرین سے خطاب کرتے ہوئے مقررین نے کہا کہ سندھ کو کمزور کرنے اور سندھ میں امن وامان کی صورتحال خراب کرنے کے لئے سندھ دشمن قوتیں ایک بار پھر سرگرم عمل ہوچکی ہیں جس کو کسی قیمت میں برداشت نہیں کیا جائے گا، انہوں نے کہا کہ سیکیورٹی ادارے عوام اور ملک کی حفاظت کرتے ہوئے اپنی جانوں کا نذرانہ پیش کررہے ہیں، ان کا مقصد ملک کا استحکام اور خوشحالی ہے جس کو ملک دشمن طاقتیں پار پار کرنا چاہتی ہیں ان کو عوام کی طاقت سے ناکام بنایا جائے گا، انہوں نے نئے وزیراعلیٰ سندھ سید مراد علی شاہ کی تعیناتی کو خوش آئند قرار دیتے ہوئے کہا کہ ان کے اقدامات سے سندھ ترقی کی راہ پر گامزن ہوگا اور کرپشن کے خاتمے میں مدد ملے گی۔
فرمان الہی
نماز کے اوقات
