فرمان الہی
نماز کے اوقات
قصور کے اسپتال میں وارڈ بوائے نے 15 سالہ لڑکی کو مبینہ اجتماعی زیادتی کا نشانہ بنا ڈالا۔
ہیڈ کوارٹر اسپتال کوٹ رادھا کشن میں 15 سالہ لڑکی کے ساتھ مبینہ اجتماعی زیادتی کا واقعہ پیش آیا ہے۔
پولیس کے مطابق لڑکی کے والد عبدالجبار نے اپنی درخواست میں الزام عائد کیا کہ اس کی بیٹی اپنی چچی کے ساتھ کمسن کزن کے علاج کے لیے ٹی ایچ کیو اسپتال کوٹ رادھا کشن گئی تھی۔
لڑکی کی والد نے کہا کہ اسپتال کا وارڈ بوائے ذیشان اس کی بیٹی کو ورغلا کر بالائی منزل پر لے گیا جہاں اس نے اپنے ساتھی کے ساتھ مل کر میری بیٹی کے ہاتھ پاؤں باندھ کر اسے مبینہ اجتماعی زیادتی کا نشانہ بنایا۔
عبدالجبار کا کہنا تھا کہ لڑکی کی چچی اسے ڈھونڈتے ہوئے بالائی منزل پر پہنچی تو ملزم نے پکڑے جانے کے ڈر سے نیچے چھلانگ لگا دی جس سے وہ شدید زخمی ہوا اور جناح اسپتال میں زیر علاج ہے۔
دوسری جانب اسپتال کے ایم ایس نے واقعے کی تحقیقات کے لیے 3 رکنی کمیٹی تشکیل دے دی ہے۔
