گوجرانوالہ(نمائندہ جنگ)ڈکیتی و چوری کی متعدد وارداتوں کے دوران شہری لاکھوں روپے نقدی ، زیورات، موبائل فونز، کار ، موٹر سائیکل اور دیگر قیمتی اشیاء سے محروم ہو گئے ، اٹاوہ کے قریب موٹر سائیکل سوار ڈاکو پر رؤف سے ہزاروں روپے نقدی، موبائل فون اور ضروری دستاویزات چھین کر فرار ہو گئے ، سیٹلائٹ ٹاؤن کے دو مختلف علاقوں میں ڈاکوؤں نے پر قاسم اور ارشد سے ان کی موٹر سائیکل چھین لیں، نوشہرہ ورکاں کے علاقہ میں سیم نالہ کے قریب کھڑے ڈاکو وہاں سے گزرنے والے پرویز سے تیس ہزار روپے نقدی، موبائل فون اور انگوٹھی چھین کر لے گئے ، صدر وزیر آباد کے علاقہ میں ڈاکوؤں نے فرحان کو پر موٹر سائیکل، پچیس ہزار روپے نقدی اور ضروری دستاویزات سے محروم کر دیا، علی پور چٹھہ کے علاقہ میں نعیم سے ڈاکوؤں نے چالیس ہزار روپے نقدی، موبائل فون اور چین چھین لی،ٍ تھانہ گرجاکھ کے علاقہ میں افتخار کے گھر سے نامعلوم افراد اہلخانہ کی عدم موجودگی میں تالے توڑ کر ہزاروں روپے نقدی، طلائی زیورات اور دیگر قیمتی سامان چرا کر لے گئے ، پیپلز کالونی کے علاقہ تکبیر روڈ پر علی حسنین کے گھر سے ہزاروں روپے نقدی، طلائی زیورات اور قیمتی اشیاء چوری ہو گئیں ، ڈھینگرانوالی میں طیب کے گھر سے نامعلوم افراد نے سیف الماری میں پڑے ہزار وں ر وپے نقدی، زیورات اور قیمتی سامان چرا لیا، سٹی کامونکی کے علاقہ مدینہ کالونی میں سرفراز کے گھر سے تیس ہزار روپے نقدی، موبائل فونز اور قیمتی سامان چوری ہو گیا ،سبزی منڈی کے علاقہ شیرانوالہ باغ کے قریب عارف کی دکان سے نامعلوم افراد رات کی تاریکی میں تالے توڑ کر وہاں سے بیس ہزار روپے مالیت کا سامان چرا کر لے گئے ، گکھڑ کے علاقہ گلی مسجد والی میں عمران کے گھر سے نامعلوم افراد نے تیس ہزار روپے نقدی، زیورات اور قیمتی سامان چرا لیا ۔
فرمان الہی
نماز کے اوقات
