فرمان الہی
نماز کے اوقات
ورلڈ جونیئر اسکواش چیمپئن شپ میں پاکستان کے عبداللّٰہ نواز پری کوارٹر فائنل میں پہنچ گئے، انہوں نے منگل کو پہلے راؤنڈ آف 64 اور پھر راؤنڈ آف 32 کا میچ جیتا
ورلڈ جونیئر اسکواش چیمپئن شپ مصر کے شہر قاہرہ میں کھیلی جا رہی ہے جہاں پاکستان کے عبداللّٰہ نواز نے دو میچز کھیلے اور دونوں میں کامیابی حاصل کی۔
پاکستانی اسکواش پلیئر نے پہلے راؤنڈ آف 64 کا میچ کھیلا جس میں انہوں نے کینیڈا کے کھلاڑی روہان پالیوال کو تین۔صفر سے شکست دی۔
کینڈین پلیئر کے خلاف عبداللّٰہ نواز کی جیت کا اسکور 11-6، 11-3 اور 11-3 تھا جس کے ساتھ انہوں نے راؤنڈ آف 32 کے لئے کوالیفائی کیا۔
شام میں عبداللّٰہ نواز نے راؤنڈ آف 32 کا میچ کھیلا جس میں انہوں نے امریکی پلیئر آسکر اوکناکوو کو تین۔ایک سے شکست دی۔ اس میچ میں پاکستانی کھلاڑی کی کامیابی کا اسکور 11-8، 10-12، 11-7 اور 11-2 رہا۔
ورلڈ جونیئر اسکواش چیمپئن شپ میں عبداللّٰہ نواز اپنا پری کوارٹر فائنل میچ بدھ کو کھیلیں گے۔
