فرمان الہی
نماز کے اوقات
دنیا کا سب سے چھوٹا سانپ تھریڈ اسنیک تقریباً دو دہائیوں بعد دوبارہ دریافت کر لیا گیا ہے، یہ نایاب سانپ ایک ماحولیاتی سروے کے دوران بارباڈوس میں نظر آیا، جس کی آخری موجودگی 2006ء میں ریکارڈ کی گئی تھی۔
اس سروے میں بین الاقوامی حیاتیاتی تحفظ کی تنظیم Re:wild اور بارباڈوس کی وزارت ماحولیات کے اشتراک سے کام کیا گیا، وزارت کے پروجیکٹ آفیسر کونر بلیڈز نے ایک درخت کے نیچے دبے ہوئے پتھر کو پلٹا تو وہاں ایک ننھا سا سانپ موجود تھا۔
بلیڈز نے سانپ کو ویسٹ انڈیز یونیورسٹی لے جا کر جانچ کی تو تصدیق ہوئی کہ یہ بارباڈوس تھریڈ اسنیک ہی ہے، جس کے بعد اسے واپس جنگل میں چھوڑ دیا گیا۔
یہ سانپ Re:wild کے پروگرام Search for Lost Species میں شامل تھا، یہ ایسی 4300 سے زائد انواع کی فہرست ہے جنہیں کم از کم 10 سالوں سے باقاعدہ طور پر دیکھا یا ریکارڈ نہیں کیا گیا۔
2017ء میں شروع کیے گئے اس پروگرام کے تحت اب تک 15 سے زائد نایاب انواع دوبارہ دریافت کی جا چکی ہیں۔
