فرمان الہی
نماز کے اوقات
رمضان المبارک میں دسترخوان چاہے افطاری کا ہو یا سحری کا اس کی شان بڑھانے کے لیے خاص اہتمام کیا جاتا ہے۔
دن بھر رضائے الہٰی کےحصول کے لیے کھانا پینا ترک کرنے کے بعد افطار کے وقت ہر روزے دار کی خواہش ہوتی ہے کہ اُس کا دستر خوان اللّٰہ تعالیٰ کی عنایت کردہ نعمتوں سے سجا ہو، جبکہ سحر و افطار میں مختلف اقسام کے پکوانوں کا اہتمام ایک حسین روایت بھی ہے۔
اسی دل فریب روایت کو زندہ رکھنے کے لیے آج ہم رائس فلیکس کٹلٹس کی ترکیب پیش کر رہے ہیں، ضرور ٹرائی کریں اور بچوں، بڑوں کے دل جیت لیں۔
رائس فلیکس 2 کپ، اُبلے ہوئے آلو 2 عدد (درمیانے)، کٹی ہوئی سبز مرچ 1 عدد، باریک کٹی ہوئی پیاز 1/2 کپ، باریک کٹا ہوا دھنیا 2 کھانے کے چمچ، نمک حسبِ ذائقہ، کالی مرچ پاؤڈر 1/2 چمچ، سُرخ مرچ پاؤڈر 1/2 چمچ اور کوکنگ آئل۔
سب سے پہلے رائس فلیکس کو نیم گرم پانی میں 5 سے7 منٹ کے لیے بھگو دیں تاکہ وہ نرم ہو جائیں، اب ان کا پانی نکال دیں اور ایک بڑے پیالے میں نرم رائس فلیکس، اُبلے ہوئے آلو، پیاز، سبز مرچ، دھنیا، نمک اور مرچیں ڈال کر اچھی طرح مکس کریں۔
مکسچر کو ہاتھ سے دبا کر چھوٹے چھوٹے کٹلٹس کی شکل دے دیں۔
ایک کڑاہی میں کوکنگ آئل گرم کریں اور اس میں کٹلٹس کو گولڈن براؤن ہونے تک دونوں طرف سے فرائی کر لیں۔
لیجیے، گرماگرم رائس فلیکس کٹلٹس تیار ہیں، اِنہیں چٹنی یا ساس کے ساتھ سَرو کریں۔
