فرمان الہی
نماز کے اوقات
راولپنڈی میں جرگے کے حکم پر قتل کی گئی شادی شدہ خاتون کی قبرکشائی اور پوسٹ مارٹم کا عمل مکمل کر لیا گیا۔
مقتولہ کی قبر کشائی علاقہ مجسٹریٹ قمر عباس تارڑ کی نگرانی میں کی گئی، فارنزک ٹیم نے مقتولہ کی لاش کے نمونے بھی حاصل کر لیے ہیں۔
ہولی فیملی اسپتال کی میڈیکل ٹیم کی سربراہی ڈاکٹر مصباح کی جبکہ پنجاب فرانزک لیبارٹری کی ٹیم بھی موقع پر موجود تھی۔
سی پی او راولپنڈی کا کہنا تھا کہ 17 جولائی کو قتل کر کے خاتون کو اسی رات دفنایا گیا اور قبر کا نشان مٹا دیا گیا تھا، پولیس نے قتل کا پتا لگایا۔
پولیس کے مطابق خاتون کے قتل کا فیصلہ کرنے والے جرگے کے سربراہ عصمت اللّٰہ سمیت قتل کیس میں 8 افراد گرفتار ہیں۔
پولیس حکام کے مطابق 19 سالہ لڑکی کی شادی 7 ماہ پہلے جنوری میں ہوئی تھی، مقتولہ کے شوہر ضیاء الرحمٰن نے قتل کے 4 دن بعد 21 جولائی کو ایف آئی آر بھی درج کروائی کہ اس کی بیوی گھر سے بھاگ گئی ہے اور عثمان نامی شخص سے غیر شرعی نکاح کر لیا ہے۔
