فرمان الہی
نماز کے اوقات
بھارتی ریاست تلنگانہ کے شہر حیدرآباد میں انسٹاگرام پر دوستی کے بعد 25 سالہ لڑکی کو زیادتی کا نشانہ بنا دیا گیا۔
بھارتی میڈیا کے مطابق حیدرآباد کے علاقے مانیکونڈا سے تعلق رکھنے والی 25 سالہ آئی ٹی پروفیشنل کو انسٹاگرام پر دوستی کرنے والے نوجوان نے مبینہ طور پر زیادتی کا نشانہ بنایا۔
24 سالہ ملزم جے سدھا ریڈی نے ایک ماہ قبل متاثرہ خاتون سے انسٹاگرام پر دوستی کی تھی، جو بعد میں فون پر بات چیت میں تبدیل ہوگئی۔
پولیس کا کہنا ہے کہ ملزم نے گزشتہ روز خاتون کو سالگرہ منانے کے بہانے اپنے گھر بلایا، متاثرہ لڑکی اپنے دوست کے گھر پہنچی تو اس نے اسے جنسی زیادتی کا نشانہ بنادیا۔
بعد ازاں لڑکی نے پولیس میں شکایت درج کروائی جس کے بعد پولیس نے زیادتی کا مقدمہ درج کرکے ملزم کو گرفتار کرلیا۔
