فرمان الہی
نماز کے اوقات
15 اگست کو بھارت کا یومِ آزادی فرانس سمیت دینا بھر میں موجود کشمیری یومِ سیاہ کے طور پر منائیں گے۔
انٹرنیشنل کشمیر پیس فورم فرانس کے زیر اہتمام بھارت کے یومِ آزادی کو یومِ سیاہ کے طور پر منایا جائے گا۔ اس سلسلے میں منعقدہ اجلاس کے مطابق 15اگست کو پیرس کے اہم مقام ایفل ٹاور کے سامنے احتجاجی مظاہرہ ہوگا۔
یہ اعلان فورم کے صدر زاہد اقبال ہاشمی نے ایک کارنر میٹنگ میں کیا۔ انہوں نے کہا کہ کشمیر پاکستان کی شہ رگ ہے اور کشمیری عوام کی آزادی تک یہ جدوجہد جاری رہے گی۔
انہوں نے عالمی برادری سے مطالبہ کیا کہ وہ بھارتی مظالم اور مقبوضہ کشمیر میں انسانی حقوق کی سنگین خلاف ورزیوں کا نوٹس لے۔
اس موقع پر جنرل سیکریٹری راجہ طاہر نے اپنے خطاب میں کہا کہ بھارت کو ہماری افواج نے ہر محاذ پر ناکوں چنے چبوا دیے ہیں اور کشمیری عوام کے حوصلے آج بھی بلند ہیں۔
دیگر مقررین نے کہا کہ بھارت کا مکروہ چہرہ دنیا کے سامنے بے نقاب کرنا وقت کی اہم ضرورت ہے اور یومِ سیاہ کا انعقاد اسی سلسلے کی ایک کڑی ہے۔
مقررین نے کشمیری عوام سے اظہارِ یکجہتی کرتے ہوئے اس عزم کا اعادہ کیا کہ ظلم و جبر کے خلاف یہ جدوجہد ہر حال میں جاری رکھی جائے گی اور دنیا بھر میں کشمیریوں کی آواز بلند کی جاتی رہے گی۔
