• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دوسرا ون ڈے، بارش سے متاثرہ میچ میں ویسٹ انڈیز 5 وکٹ سے کامیاب

پاکستان اور ویسٹ انڈیز کے درمیان کھیلے گئے دوسرے ون ڈے انٹرنیشنل میں ویسٹ انڈیز نے 5 وکٹ سے فتح حاصل کرلی۔

ڈرک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف ملا ہے۔

ہوم ٹیم نے ہدف 10 گیندوں پہلے حاصل کرلیا، پاکستان کی جانب سے محمد نواز اور حسن علی نے 2، 2 وکٹ حاصل کیے جبکہ ابرار احمد ایک وکٹ ہی لے سکے۔

ویسٹ انڈیز کی فتح کے ساتھ ہی تین میچز کی سیریز ایک ایک سے برابر ہوگئی، آخری میچ منگل کو کھیلا جائے گا۔

اس سے قبل دوسرا ون ڈے بارش کے سبب 40 اوورز تک محدود کیا گیا، پاکستان کی اننگز کے دوران بارش کی وجہ سے 3 مرتبہ روکا گیا۔

37 ویں اوور کے کھیل کے دوران جب تیسری مرتبہ میچ روکا گیا تو پاکستان نے 7 وکٹ کے نقصان پر 171 رنز بنالیے تھے تاہم ڈرک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف ملا ہے۔

واضح رہے کہ ویسٹ انڈیز کے کپتان نے ٹاس جیت کر پاکستان کو بیٹنگ کی دعوت دی، پاکستان کی ابتدائی 3 وکٹ 64 کے اسکور پر گرگئیں، صائم ایوب 23، بابر اعظم صفر اور عبداللّٰہ شفیق 26 رنز بناکر پویلین لوٹے۔

قومی ٹیم کو کپتان محمد رضوان کی صورت میں چوتھا نقصان 88 کے اسکور پر اٹھانا پڑا جب کپتان 16 رنز بناکر ایل بی ڈبلیو ہوئے۔

حسین طلعت 31، سلمان علی آغا 9 اور محمد نواز 5 رنز بناکر پویلین لوٹ گئے۔

پہلی بار میچ 16ویں اوور میں روکا گیا پھر بارش نے 34 ویں اوور میں ایک بار پھر کھیل میں خلل ڈالا۔

خیال رہے کہ سیریز کے پہلے میچ میں پاکستان نے ویسٹ انڈیز کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کی۔

اس سے قبل میزبان ویسٹ انڈیز نے دوسرے ایک روزہ میچ میں پاکستان کے خلاف ٹاس جیت کر پہلے فیلڈنگ کرنے کا فیصلہ کیا تھا۔

ٹرینیڈاڈ میں کھیلے جا رہے میچ میں ویسٹ انڈیز ٹیم کے کپتان نے ٹاس جیتنے کے بعد کہا کہ ہم آج پاکستان کو کم اسکور میں محدود کرنے کی کوشش کریں گے۔

اس موقع پر گرین شرٹس کے کپتان محمد رضوان نے کہا کہ پہلے ون ڈے میں لڑکوں نے اچھا پرفارم کیا، پاکستان ٹیم میں 3 تبدیلیاں کی ہیں۔

انہوں نے کہا کہ حسن علی، محمد نواز اور محمد ابرار کو آج کے میچ میں شامل کیا گیا ہے جبکہ فہیم اشرف، سفیان مقیم اور نسیم شاہ ٹیم کا حصہ نہیں ہیں۔

کھیلوں کی خبریں سے مزید