گوجرانوالہ(نمائندہ جنگ) ضلع گوجرانوالہ کے بلدیاتی اداروں کی 110مخصوص سیٹوں کا نوٹیفکیشن جاری کردیا گیا، خواتین کیلئے 59، مزدوروں کسانوں کیلئے 15، ٹیکنوکریٹس کیلئے 9، یوتھ کیلئے 9 اور غیر مسلموں کیلئے 18سیٹیں رکھی گئی ہیں۔ میونسپل کارپوریشن گوجرانوالہ میں خواتین کیلئے 15، مزدوروں کیلئے 4، نوجوانوں کیلئے ایک، ٹیکنوکریٹس کیلئے 4اور غیر مسلموں کیلئے 4سیٹیں، ضلع کونسل میں خواتین کیلئے 15، کسانوں کیلئے 5، نوجوانوں کیلئے ایک، ٹیکنوکریٹس کیلئے 5اور غیرمسلموں کیلئے 5سیٹیں رکھی گئی ہیں۔ ضلع کی 7میونسپل کمیٹیوں میں ٹیکنوکریٹس کی کوئی سیٹ نہیں جبکہ یوتھ کیلئے ایک ایک سیٹ ہے، میونسپل کمیٹی کامونکی میں خواتین کیلئے 5، مزدوروں کیلئے 2، غیرمسلموں کیلئے 4 سیٹیں، میونسپل کمیٹی وزیر آباد میں خواتین کیلئے 5، مزدوروں کیلئے 2، غیر مسلموں کیلئے 2سیٹیں، میونسپل کمیٹی نوشہرہ ورکاں میں خواتین کیلئے 4، مزدوروں اور غیرمسلموں کیلئے ایک ایک، میونسپل کمیٹی گکھڑمنڈی میں خواتین کیلئے 5، مزدوروں اور غیرمسلموں کیلئے ایک ایک، میونسپل کمیٹی لدھیوالہ وڑائچ میں خواتین کیلئے 3، مزدوروں اور غیرمسلموں کیلئے ایک ایک، میونسپل کمیٹی قلعہ دیدار سنگھ میں خواتین کیلئے 3، مزدوروں اور غیرمسلموں کیلئے ایک ایک اور میونسپل کمیٹی علی پور چٹھہ میں خواتین کیلئے 4اور مزدوروں اور غیرمسلموں کیلئے ایک ایک سیٹ رکھی گئی ۔
فرمان الہی
نماز کے اوقات
