فرمان الہی
نماز کے اوقات
وفاقی وزیر داخلہ اور چیئرمین پی سی بی محسن نقوی سے پاکستان ہاکی ٹیم کے کپتان عماد شکیل بٹ نے ملاقات کی اور قومی ہاکی کھلاڑیوں کے ویلفیئر اور پرو ہاکی لیگ کے ایشو پر بات کی۔
چیئرمین پی سی بی محسن نقوی نے ہاکی کے کھلاڑیوں کے لیے دس دس لاکھ روپے انعام کا بھی اعلان کیا۔
لاہور میں وفاقی وزیرداخلہ و چیئرمین پی سی بی محسن نقوی سے ملاقات میں قومی ہاکی ٹیم کے کپتان عماد شکیل بٹ نے نشان امتیاز ملنے پر انہیں مبارکباد دی۔
عماد بٹ نے محسن نقوی کو ہاکی کے کھیل کی بحالی اور پرو ہاکی لیگ میں شرکت کے ایشوز سے آگاہ کیا، انہوں نے ہاکی کے کھلاڑیوں کی ویلفیئر اور ری ہیب کے ایشوز پر بھی تبادلہ خیال کیا۔
اس موقع پر گفتگو کرتے ہوئے محسن نقوی نے کہا کہ ہاکی کھلاڑیوں کے میڈیکل و فٹنس کیسز کو پی سی بی کی پیشہ وارانہ میڈیکل ٹیم ہینڈل کرے گی۔ ہاکی پلیئرز کے ویزا ایشوز کو بھی حل کروایا جائے گا۔ ہماری لوجسٹک ٹیم اس ضمن میں ہاکی پلئیرز کو سہولت دے گی۔
محسن نقوی نے ہاکی کے کھیل کی بحالی کے لیے ہر ممکن معاونت کی یقین دہانی کرواتے ہوئے کہا کہ پرو ہاکی لیگ کے لیے قومی ٹیم کا کوالیفائی کرنا اعزاز ہے۔ قومی ٹیم کی پرو ہاکی لیگ میں شرکت کے حوالے سے اپنا پورا کردار کروں گا۔
