فرمان الہی
نماز کے اوقات
ڈیلٹا ایئر لائنز کی پرواز DL 1893 ایک بڑے حادثے سے بال بال بچ گئی۔ بوئنگ 737 کے بائیں پر کا ایک حصہ دورانِ پرواز ٹوٹ کر الگ ہوگیا۔
امریکی ایئر لائنز کی پرواز اورلینڈو سے آسٹن جارہی تھی کہ اچانک شدید جھٹکوں کے دوران طیارے کے بائیں جانب آؤٹ بورڈ فلَیپ کا ایک حصہ ڈھیلا ہوگیا، ایک مسافر نے کھڑکی سے یہ منظر کیمرے میں محفوظ کر لیا۔
عینی شاہد نے بتایا کہ طیارہ پہلے ہی غیر معمولی طور پر ہچکولے کھا رہا تھا، پھر ہمارے سامنے بیٹھی خاتون نے کہا کہ پر ٹوٹ گیا ہے۔
خوش قسمتی سے پائلٹ نے طیارہ بحفاظت آسٹن برگسٹروم انٹرنیشنل ایئرپورٹ پر اتار لیا اور تمام مسافر محفوظ رہے، لینڈنگ کے بعد معائنہ کرنے پر معلوم ہوا کہ بائیں پر کے پچھلے حصے کا فلیپ مکمل طور پر الگ ہو چکا تھا۔
ڈیلٹا ایئر لائنز نے اپنے بیان میں کہا کہ پرواز کو آسٹن میں بغیر کسی جانی نقصان کے بحفاظت اتارا گیا ہے، لینڈنگ کے بعد معلوم ہوا کہ بائیں پر کے فلیپ کا ایک حصہ اپنی جگہ پر نہیں تھا، طیارے کو سروس سے ہٹا کر مرمت کے لیے بھیج دیا گیا ہے، ہماری اولین ترجیح اپنے عملے اور مسافروں کی سلامتی ہے۔
امریکی فیڈرل ایوی ایشن ایڈمنسٹریشن نے واقعے کی باقاعدہ تحقیقات شروع کر دی ہیں۔
