فرمان الہی
نماز کے اوقات
روس نے استونیا کا فضائی حدود کی خلاف ورزی کا الزام مسترد کر دیا۔
روسی وزارت دفاع کے مطابق 3 مگ تھرٹی ون طیاروں نے کاریلیا سے کیلین انگراڈ علاقے میں واقع ایئر فیلڈ تک جمعے کو شیڈولڈ پروازیں کی تھیں اور اس دوران طیارے بین الاقوامی فضائی قوانین کی پاسداری کرتے ہوئے پرواز کرتے رہے۔
وزارت دفاع کی جانب سے کہا گیا ہے کہ طیاروں نے استونیا سمیت کسی بھی ملک کی فضائی حدود کی خلاف ورزی نہیں کی، دعویٰ کیا گیا کہ مانیٹرنگ سے بھی اس بات کی تصدیق کی گئی ہے۔
روسی وزارت دفاع کے مطابق پروازیں ویندلو جزیرے سے 3 کلومیٹر کے فاصلے پر بحیرہ بالٹک کے غیرجانبدار حصہ کے اوپر کی گئیں۔
اس سے قبل استونیا کی وزارت خارجہ نے روس کے ناظم الامور کو جمعے کو طلب کر کے احتجاجی مراسلہ تھمایا تھا اور الزام لگایا تھا کہ روسی طیاروں نے استونیا کی فضائی حدود کی 12 منٹ تک خلاف ورزی کی۔
استونیا نے نیٹو سے مشاورت کا بھی فیصلہ کیا تھا تاکہ اپنی سلامتی کے خدشات کی بنیاد پر آرٹیکل فور کے تحت روس کے خلاف کارروائی پر غور کیا جائے۔
