فرمان الہی
نماز کے اوقات
بھارت میں نوٹوں کے لیے اخلاقیات کا جنازہ نکل گیا جب بینک سے مبینہ منسلک خاتون نے نیم فوجی دستے کے مقروض اہلکار کو انتہائی غلیظ زبان میں باتیں سُنادیں۔
خاتون نے کہا کہ تم جاہل ہو، پڑھے لکھے ہوتے تو سرحد پر نہ بھیجے جاتے بلکہ کسی اچھی کمپنی میں کام کرتے، دوسروں کا مال ہڑپ نہ کرو، اسی لیے تمہارے بچے معذور پیدا ہوتے ہیں۔
اہلکار کے بات کرنے پر خاتون نے کہا کہ تم مجھے کیا سبق سکھاؤ گے میری فیملی کا بھی فوج سے تعلق ہے، تم قرض پہ جی رہے ہو اور مجھے سکھاؤ گے۔
قرض واپسی کے تنازع پر ٹیلی فون کالر انورادھا ورما کی سی آر پی ایف اہلکار سے توہین آمیز آڈیو وائرل ہوگئی ہے۔
آڈیو سوشل میڈیا پر وائرل ہونے پر بعض افراد نے دعویٰ کیا ہے کہ خاتون کا تعلق انڈیا کے بینک سے ہے جبکہ بینک نے وضاحت دی ہے کہ خاتون اس کی ملازمہ نہیں تاہم لوگوں کا کہنا ہے کہ اگر وہ بینک ملازمہ نہیں تو اس تک بینک کا ڈیٹا پہنچا کیسے؟
بعدازاں خاتون کی بات سے پوری بھارتی فوج کی جگ ہنسائی اور بینکوں کا اصل روپ سامنے آیا تو خاتون کی معافی کی آڈیو جاری کی گئی۔
اس آڈیو میں خاتون نے بولا کہ آڈیو اور ویڈیو کالز نہ کریں جبکہ گندے میسج بھی نہ بھیجیں۔
علاوہ ازیں اہلکار سے معافی کی یہ آڈیو بھی وائرل ہوگئی ہے۔
