فرمان الہی
نماز کے اوقات
پاکستان تحریکی انصاف (پی ٹی آئی) کے رہنما سلمان اکرم راجہ نے کہا ہے کہ میرے استعفے پر بانی پی ٹی آئی نہیں مانے۔
اڈیالہ جیل راولپنڈی کے باہر میڈیا سے بات چیت کرتے ہوئے سلمان اکرم راجہ نے کہا کہ الیکشن کے حوالے سے سیاسی کمیٹی کی آج شام کو دوبارہ میٹنگ ہوگی۔
انھوں نے کہا کہ اپوزیشن لیڈر عمر ایوب اور شبلی فراز ہی ہیں وہ عدالتوں میں اپنے مقدمات لڑ رہے ہیں۔
سلمان اکرم راجہ نے کہا کہ قومی اسمبلی کیلئے محمود خان اچکزئی کا نام بانی پی ٹی آئی نے دہرایا ہے، بانی کی ہدایات کی روشنی میں سیاسی کمیٹی انتخابات کے حوالے سے فیصلہ کرے گی۔
واضح رہے کہ پی ٹی آئی رہنما سلمان اکرم راجا نے گذشتہ روز سیکریٹری جنرل پی ٹی آئی کے عہدے سے علیحدگی کا فیصلہ کیا تھا۔
اپنے بیان میں سلمان اکرم راجا نے کہا تھا کہ کل بانی پی ٹی آئی سے عہدے سے علیحدگی کی گزارش کروں گا، پارٹی کے لیے وکالتی خدمات بلا معاوضہ جاری رکھوں گا۔
