فرمان الہی
نماز کے اوقات
بھارتی ریاست مہاراشٹر کے شہر مالیگاؤں میں ایک انوکھا واقعہ پیش آیا، جہاں ووٹر آئی ڈی کارڈ پر مشہور ہالی ووڈ فلم مارول کے ولن ’تھانوس‘ کی تصویر لگ گئی۔
یہ عجیب و غریب کارڈ سوشل میڈیا پر وائرل ہوگیا، جس نے ناصرف صارفین کو ہنسنے پر مجبور کیا بلکہ ووٹر لسٹ میں بےضابطگیوں پر بھی سوالات اٹھا دیے۔
رپورٹس کے مطابق اس ووٹر آئی ڈی پر نام، عمر اور پتہ بھی غلط درج تھا، سابق ایم ایل اے آصف شیخ رشید نے الزام لگایا کہ صرف ان کے حلقے میں 6 ہزار ووٹرز بغیر پتے کے رجسٹرڈ ہیں۔ 3 ہزار 502 کارڈز پر تصاویر چھیڑ چھاڑ کے ساتھ لگائی گئیں اور 11 ہزار 298 ڈپلیکیٹ ووٹ درج ہوئے۔
تصاویر وائرل ہونے پر سوشل میڈیا پر میمز کی بھرمار ہوگئی، ایک صارف نے طنزیہ لکھا کہ ایونجرز کو چھوڑو، اب تھانوس بھی آدھار اور ووٹر آئی ڈی کے ساتھ لائن میں کھڑا ہے۔
کانگریس کے رہنما راہول گاندھی نے یہ ویڈیو انسٹاگرام پر شیئر کرتے ہوئے لکھا کہ بی جے پی کے لیے نیا ووٹر ان لاک ہوگیا، ان کا دعویٰ ہے کہ ووٹر لسٹ میں بڑے پیمانے پر ہیرا پھیری کی گئی ہے، ڈپلیکیٹ اندراجات اور غلط پتے درج ہیں۔
