فرمان الہی
نماز کے اوقات
سربراہ نیشنل پارٹی و سابق وزیرِ اعلیٰ ڈاکٹر عبدالمالک بلوچ نے کوئٹہ کے علاقے سریاب میں خود کش حملے کے خلاف 3 روزہ سوگ کا اعلان کیا ہے۔
بلوچستان کے شہر تربت میں پریس کانفرنس سے خطاب کرتے ہوئے نیشنل پارٹی کے سربراہ ڈاکٹر عبدالمالک نے 14 ستمبر کو حب میں غوث بخش بزنجو اور حاصل بزنجو کی برسی پر جلسہ ملتوی کرنے کا اعلان کیا۔
انہوں نے کہا کہ سریاب روڈ پر بی این پی کے جلسے کے اختتام پر خودکش حملہ بزدلانہ اور قابلِ مذمت ہے۔
ڈاکٹر عبدالمالک بلوچ نے کہا کہ بلوچستان کو مزید عدم استحکام کی طرف دھکیلا جا رہا ہے۔
انہوں نے کہا کہ ایسے حالات میں جمہوری سیاسی جماعتوں کو مشترکہ لائحہ عمل اختیار کرنا ہو گا، نیشنل پارٹی ہر حال میں اپنی سیاسی جدوجہد جاری رکھے گی۔
