فرمان الہی
نماز کے اوقات
پاکستان ہاکی ٹیم کے کھلاڑیوں نے شکوہ کیا ہے کہ 400 روپے کے ڈیلی الاؤنس کی بات کرنا زخموں پر نمک چھرکنا ہے۔
کھلاڑیوں کی جانب سے کہا گیا ہے کہ 400 روپے تو مزدور کی دیہاڑی نہیں ہے، ہمیں ڈیلی الاؤنس دینے کا کہا جا رہا ہے، یہ ہماری بے عزتی ہے ، اس سے بڑھ کر آپ کسی کی کیا بے قدری کریں گے۔
انہوں نے کہا کہ روزگار ہے نہیں، ڈیلی الاؤنس پہلے بھی وقت پر نہیں ملتا اب 400 روپے کی بات کی جا رہی، اگر یہی حالات رہے تو ہاکی چھوڑنے پر مجبور ہوں گے۔
ان کا کہنا تھا کہ ملک نے ہمیں بہت کچھ دیا، ملک کی وجہ سے سب کچھ ہے، لیکن 400 روپے کا سن کر دکھ ہوا، کھلاڑیوں کے گھروں کے چولہے ٹھنڈے پڑ رہے ہیں اور ہمارے ڈیلی الاؤنس کی سب کو تکلیف ہے۔
اس حوالے سے پاکستان ہاکی فیڈریشن کے سیکریٹری جنرل رانا مجاہد نے کہا کہ پی ایس بی نے 400 روپے ڈیلی الاؤنس دینے کا کہا۔ ہاکی فیڈریشن 100 ڈالر ڈیلی الاؤنس دیتی ہے، کھلاڑی 100 ڈالرز سے مطمئن نہیں تو 400 روپے پر کیسے کھیلیں گے۔
