کراچی (جنگ نیوز)پاکستان عوامی تحریک کے سربراہ ڈاکٹر طاہر القادری (ڈمی) نے کہا ہے کہ انقلاب اپنا ناشتہ خود بنائے گا، ریلی کی تیاریاں اور موسمی بیماریاںساتھ ساتھ رہتی ہیں۔ اُنہوں کا کہنا تھا کہ خواتین کی دلچسپی کیلئے آئندہ ہونے والی ریلی میں وائی فائی کی سہولت اور ساس کی برائیاں کرنے کے بھر پور مواقع دیئے جائیں گے۔ اِن خیالات کا اظہار اُنہوں نے ”جیونیوز“ کے مقبول پروگرام ”خبرناک“ میں گفتگو کے دوران کیا۔ شو کی میزبان عائشہ جہانزیب نے پوچھا کہ علامہ صاحب آپ کا دھرنا ایک دم سے بھاگ کیوں جاتا ہے؟۔ جواب میں قادری صاحب نے عائشہ پر بندوق تان لی اور کہا کہ اتنے سخت سوال کیوں کرتی ہو؟۔ حالات حاضرہ اور طنز و مزاح سے بھرپور”خبرناک“ میں عوامی تحریک کے سربراہ (ڈمی) سے یاد گار ملاقات کے ساتھ ساجد بھائی کا چیلنج بھی دکھایا جائے گا۔ ناظرین یہ دلچسپ شو جمعرات کی شب 11 بجکر5منٹ پر دیکھ سکیں گے۔
فرمان الہی
نماز کے اوقات
