فرمان الہی
نماز کے اوقات
سابق امریکی صدر باراک اوباما نے تیسرا ایمی اعزاز اپنے نام کرلیا۔
غیر ملکی میڈیا رپورٹس کے مطابق ایمی ایوارڈ عموماً آرٹ اور فلموں کی دنیا سے وابستہ افراد کو دیا جاتا ہے۔ تاہم سابق امریکی صدر نے بہترین داستان گو (کہانی بیان کرنے والا) کی کیٹیگری میں یہ اعزاز حاصل کیا ہے۔
میڈیا رپورٹس کے مطابق 7 ستمبر کو کری ایئٹو آرٹس ایمی ایوارڈز کا انعقاد لاس اینجلس میں کیا گیا۔
اس تقریب میں 64 سالہ باراک اوباما نے نیٹ فلکس سیریز ’اوو اوشین‘ کے لیے بہترین داستان گو کا ایوارڈ جیتا، تاہم انہوں نے اس تقریب میں شرکت نہیں کی، جس پر ان کا اعزاز امریکی کامیڈین جارڈن کلیپر نے قبول کیا۔
بہترین داستان گو کی کیٹیگری میں سابق امریکی صدر کا یہ تیسرا ایوارڈ ہے۔ اس سے قبل اسی گیٹیگری میں 2022 میں ’اوو گریٹ نیشنل پارکس‘ اور 2023 میں ’ورکنگ واٹ وی ڈو آل ڈے‘ کے لیے پرائم ٹائم ایمی ایوارڈز جیت چکے ہیں۔
