فرمان الہی
نماز کے اوقات
اسپیکر قومی اسمبلی سردار ایاز صادق نے قطر کی شوریٰ کونسل کے اسپیکر حسن بن عبداللّٰہ کو خط لکھ دیا۔
خط میں اسپیکر ایاز صادق نے قطر پر اسرائیلی حملوں کی مذمت کی اور اسے بین الاقوامی قوانین اور اقوام متحدہ (یواین) چارٹر کی خلاف ورزی قرار دیا ہے۔
خط میں مزید کہا گیا کہ اسرائیلی جارحیت ریاستی خودمختاری کے تقدس پر کھلا حملہ ہے، عالمی امن کے لیے سرحدوں کا احترام بنیادی شرط ہے۔
سردار ایاز صادق نے یہ بھی کہا کہ قطر پر حملہ پوری امت مسلمہ پر حملے کے مترادف ہے، عالمی برادری اسرائیلی اقدامات کی فوری اور دوٹوک مذمت کرے۔
خط میں اسپیکر ایاز صادق نے کہا کہ قطر خطے میں امن اور سفارتکاری کے لیے مرکزی کردار ادا کر رہا ہے، پاکستان کی پارلیمان اور عوام کی جانب سے قطر میں یکجہتی کا اظہار کیا گیا۔
خط میں کہا گیا کہ عالمی برادری قطر پر جارحیت کے ذمہ داروں کو انصاف کے کٹہرے میں لائے، پاکستان آزمائش کی اس گھڑی میں قطری بہن بھائیوں کے شانہ بشانہ ہے۔
