فرمان الہی
نماز کے اوقات
فلڈ فور کاسٹنگ ڈویژن لاہور کے مطابق دریائے سندھ میں گڈو، سکھر اور کوٹری بیراج پر پانی کی آمد میں اضافہ جاری ہے۔
فلڈ فور کاسٹنگ ڈویژن کے مطابق گڈو بیراج پر اونچے درجے کا سیلاب ہے، پانی کا بہاؤ بڑھ کر 5 لاکھ 61 ہزار کیوسک ہوگیا۔
سکھر بیراج پر درمیانے درجے کا سیلاب ہے، پانی کی آمد 4 لاکھ 80 ہزار کیوسک ہوگئی۔
کوٹری بیراج پر نچلے درجے کا سیلاب ہے، بہاؤ 2 لاکھ 71 ہزار کیوسک ریکارڈ کیا گیا۔
دریائے سندھ میں کوٹ مٹھن راجن پور، چاچڑاں شریف پر پانی کی آمد میں معمولی کمی ہوئی اور سطح 11,5 فٹ پر آگئی۔
دریائے چناب میں ہیڈ پنج ند پر بہاؤ میں کمی کا سلسلہ جاری ہے، مگر اب بھی انتہائی اونچے درجے کا سیلاب ہے، بہاؤ 4 لاکھ 60 ہزار کے قریب ہے۔
دریائے ستلج میں گنڈا سنگھ والا اور ہیڈ اسلام پر درمیانے درجے کا اور ہیڈ سلیمانکی پر نچلے درجے کا سیلاب ہے۔
راوی میں ہیڈ سدھنائی پر بہاؤ میں کمی آگئی اور نچلے درجے کے سیلاب میں تبدیل ہوگئی۔
