فرمان الہی
نماز کے اوقات
ایرانی وزیرِ خارجہ نے کہا ہے کہ ایران پر پابندیوں کی قیمت فرانس، برطانیہ اور جرمنی کو بھی ادا کرنی ہوگی۔
ایرانی میڈیا کے مطابق ایرانی وزیر خارجہ عباس عراقچی نے برطانیہ، فرانس اور جرمنی کو خبردار کیا ہے کہ اگر جاری کوششوں کے باوجود اقوام متحدہ سیکیورٹی کونسل کی جانب سے پابندی لگی تو اس کا ناقابل تلافی نقصان ہوگا۔
ایرانی وزیرِ خارجہ نے سوشل میڈیا پر ایک پوسٹ میں کہا کہ ایران کے خلاف اسنیپ بیک طریقہ کار متحرک کرنے کے لیے کوئی بنیاد نہیں ہے۔
انہوں نے کہا کہ 3 بڑے یورپی ممالک کا المیہ یہ ہے کہ اگر اس طریقہ کار کو اختیار کریں گے تو وہ سب کچھ کھو دیں گے۔
ایرانی حکام نے اس حوالے سے بتایا ہے کہ اگر ایران کے خلاف پابندیاں لگائی گئیں تو ایران کے پاس ایٹمی عدم پھیلاؤ معاہدے سے دست بردار ہونے کا اختیار حاصل ہے۔
