فرمان الہی
نماز کے اوقات
وزیر اطلاعات پنجاب عظمیٰ بخاری کا کہنا ہے کہ صوبائی حکومت نے ملکی تاریخ کا سب سے بڑا ریسکیو آپریشن کیا ہے۔
لاہور سے جاری بیان میں عظمیٰ بخاری نے کہا کہ پنجاب نے ملکی تاریخ کے سب سے بڑے سیلاب کا سامنا کیا ہے، صوبائی حکومت کے بَروقت اقدامات سے لاکھوں جانوں کو محفوظ بنایا گیا۔
عظمیٰ بخاری نے کا کہنا تھا کہ پنجاب حکومت پر انگلی وہ اٹھا رہے ہیں، جن کے اپنےصوبے میں سیلاب اور بارشوں سے سیکڑوں لوگ جاں بحق ہوئے۔
وزیر اطلاعات پنجاب نے کہا کہ خیبر پختونخوا میں متاثرہ لوگ آج بھی بےیارو مددگار پڑے ہیں، کےپی حکومت نہ تو لوگوں کے مسائل حل کر رہی ہے اور نہ ہی اپنی رِٹ قائم کر پارہی ہے۔
انہوں نے کہا کہ مریم نواز اور ان کی ٹیم سیلاب متاثرین کی خدمت میں دن رات مصروف ہیں۔
عظمیٰ بخاری کا کہنا تھا کہ پنجاب حکومت سیلاب متاثرین کے لیے تمام وسائل استعمال کر رہی ہے جبکہ سیلاب متاثرین کی آباد کاری بڑا چیلنج ہے۔
ان کا مزید کہنا تھا کہ نقصانات کا تخمینہ لگایا جا رہا ہے، سروے مکمل ہونے کے بعد مریم نواز جلد ریلیف پیکج کا اعلان کریں گی۔
