فرمان الہی
نماز کے اوقات
عالمی شہرت یافتہ سپر ماڈل بیلا حدید نے اسپتال سے اپنی تصاویر سوشل میڈیا پر شیئر کی ہیں جس کے بعد انکے مداحوں میں تشویش کی لہر دوڑ گئی ہے۔
بیلا حدید طویل عرصے سے لائم بیماری (Lyme disease) کا شکار ہیں اور اسی سلسلے میں وہ علاج کے لیے اسپتال میں موجود تھیں۔
انسٹاگرام پر پوسٹ کی گئی تصاویر میں بیلا کبھی سر پر پٹی اور آئی وی بیگ کے ساتھ دکھائی دیں، تو کبھی آرام کرتی نظر آئیں، ایک اور تصویر میں وہ برف کا پیک ماتھے پر رکھے بیٹھی تھیں۔
بیلا نے اسپتال کے کمرے میں لی گئی تصویروں کے ساتھ ساتھ پھولوں، بارش کے بعد قوسِ قزح، اہلِ خانہ کے ساتھ تاش کھیلنے اور اسپتال کے بستر پر پیزا ڈنر کی جھلکیاں بھی شیئر کیں۔
آخری تصویر میں وہ کافی کپ تھامے لفٹ کے کونے میں بیٹھی دکھائی دیں۔
بیلا نے پوسٹ کے کیپشن میں لکھا، ’سوری میں اکثر غائب ہوجاتی ہوں، میں آپ سب سے محبت کرتی ہوں۔‘
مداحوں اور قریبی ساتھیوں نے ان کی جلد صحتیابی کے لیے نیم تمناؤں کا اظہار کیا ہے، ان کی بہن جی جی حدید نے کمنٹس میں لکھا کہ آئی لَو یو! میں دعا کرتی ہوں کہ تم جلد بہتر محسوس کرو، جیسا کہ تمہارا حق ہے۔
یاد رہے کہ بیلا حدید اور ان کے بھائی کو 2012 میں لائم بیماری کی تشخیص ہوئی تھی، جب کہ ان کی والدہ بھی اسی مرض میں مبتلا رہ چکی ہیں۔
