فرمان الہی
نماز کے اوقات
روسی اپوزیشن رہنما الیکسی ناوالنی کی موت کے بارے میں اِن کی اہلیہ یولیا ناوالنایا نے نیا دعویٰ کردیا ہے۔
یولیا ناوالنایا کے مطابق ناوالنی کا ڈی این اے خفیہ طور پر دو مختلف ملکوں کی لیبارٹریز میں ٹیسٹنگ کے لیے بھجوایا گیا تھا اور دونوں ممالک کی لبارٹریز نے ایک ہی نتیجہ دیا تھا کہ ناوالنی کو زہر دیا گیا۔
یولیا نے روسی حکام پر حقیقت چھپانے کا الزام لگاتے ہوئے لیبارٹریز سے اپیل کی ہے کہ وہ اپنی رپورٹس کو عوام کے سامنے لائیں اور مزید کہا کہ اِن کے شوہر کو صدر پیوٹن کو چیلنج کرنے کی سزا دی گئی اور اِنہیں قتل کیا گیا۔
دوسری جانب کریملن کے ترجمان کا کہنا ہے کہ 47 سالہ ناوالنی جیل میں چہل قدمی کے دوران قدرتی موت کا شکار ہوئے تھے لیکن یولیا کا اصرار ہے کہ اِن کے شوہر کو صدر پیوٹن کو چیلنج کرنے کی سزا دی گئی اور اِنہیں قتل کیا گیا ہے۔
