فرمان الہی
نماز کے اوقات
سندھ حکومت کے ترجمان مصطفیٰ بلوچ نے کہا ہے کہ بڑے منصوبے ہمیشہ کچھ وقت لیتے ہیں، یہ گلی کی مرمت نہیں۔
ترجمان سندھ حکومت نے امیرِ جماعتِ اسلامی کراچی منعم ظفر کے صوبائی حکومت سے ریڈ لائن منصوبے کی تکمیل کی واضح تاریخ دینے کے مطالبے پر ردِعمل دیا ہے۔
انہوں نے کہا کہ جماعتِ اسلامی کی سیاست صرف الزام تراشی پر مبنی ہے، ہمارے منصوبے عوام کے لیے ہیں۔
مصطفیٰ بلوچ نے کہا کہ بڑے منصوبے ہمیشہ کچھ وقت لیتے ہیں، یہ گلی کی مرمت نہیں کہ ایک دن میں مکمل ہوجائے۔
اُن کا کہنا ہے کہ جماعتِ اسلامی کے لوگوں نے کراچی کے عوام کو ریلیف دینے کے بجائے ہمیشہ الزام تراشی کی سیاست کی۔
اس سے قبل پریس کانفرنس میں منعم ظفر نے کہا تھا کہ سندھ حکومت ریڈ لائن منصوبے کی تکمیل کی واضح تاریخ دے، منصوبہ حکومت کی نااہلی کی نذر ہوچکا ہے۔
انہوں نے کہا تھا کہ ریڈلائن منصوبے کو شروع ہوئے 46 ماہ ہو چکے ہیں جبکہ لاہور میں بی آر ٹی 11 ماہ میں مکمل ہو گئی تھی، کراچی میں شروع کیا جانے والا کوئی بھی منصوبہ وقت پر مکمل نہیں ہوا۔
