فرمان الہی
نماز کے اوقات
بھارتی حکام نے لداخ میں گزشتہ روز کے احتجاجی مظاہروں کے بعد کرفیو لگا دیا ہے۔
لداخ میں سی آر پی ایف تعینات اور بغیر اجازت ریلیوں پر پابندی کے ساتھ ساتھ شہر کی مارکیٹیں و کاروباری مراکز بند کروا دیے گئے ہیں۔
دوسری جانب مظاہرین لداخ کو ریاستی حیثیت اور آئینی تحفظ دینے کا مطالبہ کر رہے ہیں۔
گزشتہ روز مرکزی شہر لیہہ میں مظاہرین اور پولیس کے درمیان جھڑپوں میں 4 افراد ہلاک اور پولیس اہلکاروں سمیت 80 سے زائد افراد زخمی ہوئے تھے۔
بھارتی فورسز نے مظاہرین پر لاٹھی چارج، آنسو گیس کی شیلنگ کی جبکہ مشتعل مظاہرین نے گاڑیوں کو آگ لگا دی اور بی جے پی اور ہل کونسل کے دفاتر کو نقصان پہنچایا۔
واضح رہے کہ مودی سرکار نے 2019ء میں بھارتی آئین میں غیر قانونی ترمیم کر کے لداخ کو مقبوضہ کشمیر سے علیحدہ کر دیا تھا۔
