فرمان الہی
نماز کے اوقات
سعودی وزیرِ خارجہ نے کہا ہے کہ مغربی کنارے پر اسرائیلی ممکنہ قبضے پر عرب و مسلم ممالک کا ردِعمل آئیگا۔
عرب میڈیا کے مطابق سعودی عرب کے وزیرِ خارجہ فیصل بن فرحان نے امریکی صدر ٹرمپ پر واضح کردیا کہ مغربی کنارے پر کسی بھی قسم کے غاصبانہ قبصے کا مسلم دنیا اور عرب ممالک کی جانب سے ناصرف اس پر شدید ردِعمل آئے گا بلکہ اس سے غزہ کے حوالے سے ممکنہ مفاحمتی عمل اور خطے کے امن کو بھی نقصان پہنچے گا۔
فیصل بن فرحان نے کہا کہ مجھے یقین ہے کہ امریکی صدر ڈونلڈ ٹرمپ عرب اور دیگر اسلامی ممالک کے موقف کو سمجھیں گے۔
سعودی وزیرِ خارجہ نے فلسطینی اتھارٹی کے لیے مالی اعانت کے لیے اتحادیوں کے ہمراہ مشترکہ فنڈ کے قیام کا اعلان بھی کیا۔
اس حوالے سے انہوں نے سعودی ریاست کی جانب سے فلسطینی اتھارٹی کو 90 ملین ڈالر امداد دینے کا بھی اعلان کیا۔
