فرمان الہی
نماز کے اوقات
سندھ کے سینئر وزیر شرجیل انعام میمن کی زیر صدارت اجلاس میں دسمبر میں ای وی ٹیکسی متعارف کروانے کا فیصلہ کیا گیا ہے۔
کراچی میں ہونے والے اجلاس سے خطاب کرتے ہوئے شرجیل میمن نے کہا حکومت سندھ پاکستان میں پہلی بار اپنی ٹیکسی سروس شروع کر رہی ہے، کوشش ہے دسمبر 2025 تک ای وی ٹیکسی سروس بھی عوام کو فراہم کر دی جائے۔
انھوں نے کہا چیئرمین بلاول بھٹو اس منصوبے میں خصوصی دلچسپی رکھتے ہیں، ابتدائی مرحلے میں آنے والی ٹیکسیوں میں خواتین کیلئے ٹیکسیاں مخصوص کی جائیں گی۔
شرجیل میمن نے کہا کہ ٹرانسپورٹ مسائل کم کرنے کے لیے ڈبل ڈیکر بسیں اور مزید ای وی بسیں بھی جلد شامل ہوں گی، ای وی گاڑیوں کے لیے انفرااسٹرکچر اور چارجنگ اسٹیشنز کی تیاری پر بھی کام جاری ہے۔
انھوں نے کہا خواتین کو محفوظ اور سستی سفری سہولیات فراہم کرنا حکومت سندھ کا عزم ہے، کراچی میں ٹرانسپورٹ کے شعبے میں سرمایہ کاری کے وسیع مواقع موجود ہیں۔
