سرگودھا کے نجی اسکول میں سمر کیمپ کے دوران بچوں سے جنسی زیادتی کے انکشاف پر اسکول پرنسپل سمیت 4اساتذہ کے خلاف مقدمہ درج کرلیا گیا۔ ایک ٹیچر کو بھی حراست میں لے لیا گیا ہے ۔
سرگودھا کے علاقہ اقبال کالونی کے رہائشی حیدر علی نامی شخص نے تھانہ اربن ایریا میں مقدمہ درج کرواتے ہوئے مؤقف اختیار کیاہے کہ واٹر سپلائی روڈ پر واقع نجی اسکول کے دینی تعلیم دینے والے استاد نے اس کے 10سالہ بھانجےکو جنسی زیادتی کا نشانہ بنا یا ۔
درخواست گزار کا کہنا ہے کہ نجی ا سکول میں دیگر اساتذہ نے بھی بچوں کو زیادتی کانشانہ بنایا ہے۔شکایات کے باوجود اسکول کے پرنسپل نے کوئی کاروائی نہیں کی جس پرا سکول کے پرنسپل سمیت 4اساتذہ کے خلاف مقدمہ درج کرلیا گیا ۔
پولیس کا کہنا ہے کہ بچے سے زیادتی کے الزام میں ایک استاد کو حراست میں لے لیا گیا ،بچے کا میڈیکل کروانے کا بھی حکم دے دیا گیا ہے ۔
فرمان الہی
نماز کے اوقات
