فرمان الہی
نماز کے اوقات
عالمی مالیاتی ادارے آئی ایم ایف نے ورلڈ اکنامک آؤٹ لک رپورٹ جاری کردی ہے۔
آئی ایم ایف رپورٹ کے مطابق پاکستان کی معاشی شرح نمو اس سال 3 اعشاریہ 6 فیصد تک رہنے کا امکان ہے۔ گزشتہ مالی سال معاشی ترقی کی رفتار 2 اعشاریہ 7 فیصد تھی۔
آئی ایم ایف رپورٹ کے مطابق پاکستان میں رواں سال بیروزگاری کم ہوکر ساڑھے 7 فیصد پر آنے کا تخمینہ ہے جبکہ گزشتہ سال یہ شرح 8 فیصد تھی۔
رپورٹ میں بتایا گیا کہ پاکستان میں اس سال مہنگائی 6 فیصد تک بڑھنے کا امکان ہے جبکہ گزشتہ مالی سال میں مہنگائی کی شرح ساڑھے 4 فیصد تھی۔
آئی ایم ایف رپورٹ کے مطابق پاکستان کا کرنٹ اکاؤنٹ خسارہ جی ڈی پی کا صفر اعشاریہ 4 فیصد رہنے کا تخمینہ ہے۔
