فرمان الہی
نماز کے اوقات
پاکستان نے اسرائیل کی جانب سے غزہ امن معاہدے کی خلاف ورزیوں کی مذمت کی ہے۔
ترجمان دفترِ خارجہ کے مطابق غزہ میں اسرائیلی فوج کے تازہ حملوں سے متعدد شہری جاں بحق ہوئے، اسرائیلی کارروائیاں شرم الشیخ امن معاہدے کی روح کے منافی ہیں۔
پاکستان نے عالمی برادری سے اسرائیلی خلاف ورزیوں کو روکنے کے لیے فوری اقدامات کرنے کا مطالبہ کر دیا۔
ترجمان دفترِ خارجہ نے کہا ہے کہ عالمی برادری جنگ بندی کے مکمل نفاذ اور فلسطینی شہریوں کے تحفظ کو یقینی بنائے۔
دفترِ خارجہ کے ترجمان کے مطابق پاکستان نے فلسطینیوں کی غیر متزلزل حمایت کا اعادہ کرتے ہوئے اسرائیلی جارحیت کے فوری خاتمے کا مطالبہ بھی کیا ہے۔
دفترِ خارجہ کا کہنا ہے کہ پاکستان نے 1967ء سے پہلے کی سرحدوں کے مطابق خودمختار فلسطینی ریاست کے قیام پر زور دیا ہے۔
ترجمان کا یہ بھی کہنا ہے کہ پاکستان نے القدس الشریف کو فلسطین کا دارالحکومت تسلیم کرنے کے مؤقف کو دہرایا ہے۔
