فرمان الہی
نماز کے اوقات
نائب وزیراعظم محمد اسحاق ڈار نے کہا ہے کہ پاکستان علاقائی رابطوں کو بڑھانے میں اہم کردار ادا کررہا ہے۔
اسلام آباد میں ریجینل ٹرانسپورٹ منسٹرز کانفرنس سے خطاب کرتے ہوئے اسحاق ڈار نے کہا کہ علاقائی روابط کا فروغ اجتماعی ترقی کے لیے ناگزیر ہے۔
انہوں نے کہا کہ معاشی ترقی میں ٹرانسپورٹ کا شعبہ کلیدی حیثیت رکھتا ہے۔ پاکستان برآمدات پر مبنی معاشی ترقی کے لیے اقدامات کر رہا ہے، روابط کے فروغ سے ہی اجتماعی ترقی کا ہدف حاصل کیا جا سکتا ہے۔
اسحاق ڈار کا کہنا تھا کہ پاکستان کی شاہراہیں علاقائی رابطہ کاری میں کردار ادا کر رہی ہیں، حکومت ریل اور روڈ نیٹ ورکس کو ترجیحی بنیادوں پر فروغ دے رہی ہے۔
وزیر خارجہ نے کہا کہ بجلی کے منصوبے توانائی میں کفالت کے حوالے سے اہم ہیں، ہم اپنی بندرگاہوں کو بھی جدید خطوط پر استوار کر رہے ہیں، ہم ای پورٹ کے منصوبے پر بھی کام کر رہے ہیں۔
