فرمان الہی
نماز کے اوقات
راولپنڈی میں شہری کو برہنہ کر کے تشدد کرنے میں ملوث 5 ملزمان کو حراست میں لے لیا گیا۔
پولیس حکام کے مطابق واقعے کے دیگر ملزمان کی تلاش جاری ہے، فوٹیج میں نظر آنے والے ملزمان کی شناخت کرلی گئی ہے، تمام کو گرفتار کر لیا جائے گا۔
گوالمنڈی کے علاقے میں شہری کو رسیوں سے باندھ کر تشدد کرنے کی ویڈیو سامنے آئی تھی۔ 8 سے 10 افراد نے شہری کو برہنہ کر کے تشدد کا نشانہ بنایا، جن میں بعض افراد مسلح تھے۔
ویڈیو میں تشدد کرنے والے ملزمان کے ہاتھوں میں آتشی اسلحہ بھی دیکھا گیا تھا۔ پولیس نے مقدمہ درج کر کے ایک ملزم کو پہلے گرفتار کر لیا تھا۔
متاثرہ شہری نے انتظامیہ سے اسکریپ گوداموں کی شکایت کی تھی، شہری کی شکایت پر انتظامیہ نے 5 سے 6 اسکریپ گودام سیل کیے تھے۔
