فرمان الہی
نماز کے اوقات
لاہور پولیس کی جانب سے ایک پاکستانی نژاد آسٹریلوی شہری پر مبینہ تشدد کا واقعہ سامنے آیا ہے، شہری کے چہرے، ہاتھوں اور ٹانگوں پر تشدد کے نشانات ہیں، پولیس حکام کا کہنا ہے کہ واقعے کی تحقیقات جاری ہیں۔
پاکستانی نژاد آسٹریلوی شہری خواجہ ذیشان نے تھانہ ٹبی سٹی میں دی گئی درخواست میں الزام عائد کیا ہے کہ 24 اکتوبر کو ٹبی سٹی کے علاقے میں تین کانسٹیبلوں نے اُسے روکا اور تشدد شروع کر دیا۔
ڈرضواست گزار کے مطابق پولیس اہلکاروں کا کہنا تھا کہ تمہیں رکنے کا اشارہ کیا تھا تم کیوں نہیں رکے۔
شہری کا موقف ہے کہ مارپیٹ سے اس کا چہرہ لہولہان جبکہ ہاتھ اور ٹانگیں زخمی ہوگئیں۔
پولیس اہلکار اسے تھانہ بھاٹی گیٹ لے گئے، جہاں موبائل فون اور گاڑی کی چابیاں چھین لیں۔
بھانجی اور اس کے شوہر نے تھانے پہنچ کر خلاصی کرائی، پولیس اہلکاروں نے گاڑی سےتین ہزار آسٹریلوی ڈالر بھی چُرا لیے، ایس پی سٹی بلال احمد کے مطابق واقعے کی تحقیقات جاری ہیں۔
