• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
26 اکتوبر ، 2025

عظیم ترین……

جون ایلیا دنیا کے عظیم ترین شاعر تھے، میں نے دعویٰ کیا۔

کیا تم نے شیکسپئر کو پڑھا ہے؟ ڈوڈو نے پوچھا۔

نہیں۔ نام سنا سنا سا لگتا ہے۔ کون تھا؟

حافظ کو؟ ملٹن کو؟ نرودا کو؟

میں انھیں نہیں جانتا، میں نے سر جھٹکا،

لیکن یہ طے ہے کہ آگ کا دریا دنیا کا عظیم ترین ناول ہے۔

کیا تم نے یولیسس پڑھا ہے؟ ڈوڈو نے پوچھا۔

نہیں، یہ بھلا کیسا نام ہوا؟

بردرز کرامازوف؟ ڈان کی ہوٹے؟ ٹرائل؟

میں نے انکار میں سر ہلاکر کہا،

لیکن یہ طے ہے کہ مغل اعظم دنیا کی عظیم ترین فلم ہے۔

تازہ ترین