فرمان الہی
نماز کے اوقات
جنوبی بحیرہ چین میں 2 مختلف حادثات پیش آئے ہیں اس دوران امریکی بحریہ کا ہیلی کاپٹر اور لڑاکا طیارہ تباہ ہوگئے۔
غیرملکی میڈیا کے مطابق امریکی بحریہ کے بحر الکاہل فلیٹ کی جانب سے بتایا گیا کہ جنوبی بحیرہ چین میں 2 مختلف حادثات میں ان کے ایک سی ہاک ہیلی کاپٹر اور ایف-18 لڑاکا طیارے حادثے کا کاشکار ہو کر تباہ ہوگئے۔
بحریہ کی جانب سے بتایا گیا کہ گرنے والے سی ہاک کا تعلق امریکی بحریہ کے 73ویں حملہ آور اسکواڈرن سے تھا۔
بیان میں یہ بھی بتایا گیا کہ جس وقت اس ہیلی کاپٹر کو حادثہ پیش آیا یہ معمول کے آپریشن میں مصروف تھا۔
حادثے کا شکار ہونے والے ہیلی کاپٹر کے تینوں ارکان کو بچالیا گیا ہے۔
بحریہ کی جانب سے دوسرے حادثے کے حوالے سے بتایا گیا کہ امریکی بحریہ 22ویں حملہ آور اسکواڈرن سے تعلق رکھنے والے ایف-18 طیارے کو حادثہ پیش آیا۔
بیان میں مزید بتایا گیا کہ جہاز ایک معمول کے مشن پر تھا۔ حادثے کے شکار طیارے میں سوار دونوں پائلٹوں کو بچالیا گیا ہے۔
